موضوع من عضوه جديده

انا عضوه جديده هنا في المنتدى
انا عرفت المنتدى من منتدى الازهر
والصراحه اول ما عرفت انه في منتدى لطب اسنان ازهر اتحمست جدا وسجلت على طول
بس بعد كده لاقيت في المنتدى حاجات مينفعش ابدا تكون في منتدى ازهري
وبجد دايقتني
لو حد مهتم باللي انا باقوله وعايز يعرف ايه هي الحاجات دي
عشان نحاول نبتعد عنها
يسأل وانا هاجاوب
ده لو ده فعلا منتدى ازهري واللي عليه ازهريه
انا عارفه اعضاء محترمين جدا هنا من منتدى الازهر التعليمي
انا عايزاه نقاش هادف لكي نرقى بالمنتدى من الناحيه الدينيه عشان احنا ازهريه ومش لازم ننسى ده
عشان كده انا كتبت الموضوع ده في القسم هنا عشان نتناقش فيه ونشوف مين صح ومين غلط
والسلام ختام

شكرا لموضوعك الرائع

بس ياريت تقولينا ايه هى الحجات الى مديقاكى سواء موضوعات او غيرها

وتقبلى مرورى

انا اعرفك كعضوة محترمة من منتدي الازهر
واذا كانت هناك موضوعات لاتعجبكي
ارجو ان تطلعينا بها علي رسالة خاصة
ونتمناكي عضوة متميزة
واهم حاجة تكوني مبسوطة معانا

ساندي
شكرا على اهتمامك
وانا اللي مش عاجبني اسئله في كرسي الاعتراف زي انتي مرتبطه
واسئله تانيه زي ايه نوع الاغاني اللي بتحبه
ومواضيع زي انواع الشباب اللي ع النت وبعد كل نوع تعليق وده كلميه وده سيبك منه
انا عارفه ان دي حاجات عاديه على اي منتدى بس انا استنكرت بشده وجودها على منتدى ازهري
ده رايي ومش قصدي اي تجريح في حد

Dr_luka كتب:

ساندي
شكرا على اهتمامك
وانا اللي مش عاجبني اسئله في كرسي الاعتراف زي انتي مرتبطه
واسئله تانيه زي ايه نوع الاغاني اللي بتحبه
ومواضيع زي انواع الشباب اللي ع النت وبعد كل نوع تعليق وده كلميه وده سيبك منه
انا عارفه ان دي حاجات عاديه على اي منتدى بس انا استنكرت بشده وجودها على منتدى ازهري
ده رايي ومش قصدي اي تجريح في حد

اولا بجد اشكرك على كلامك
ثانيا بالنسبه لكرسى الاعتراف يمكن انا مش واخده بالى من الاسئله الى قولتى عليها
بس اكيد دى اسئله بنعرف بيها الشخص او العضو الى بنكلمه

وبالنسبه لموضوع انواع الشباب على النت

انا كان كل قصدى
انى اوضح مدى سوء استخدام النت سواء من جه الشباب او البنات

واعرف الجميع ان مش كل الشباب او البنات وحشين وبيستغلوا النت بطريقه غلط فى كدا وفى كدا

وشكرا على تطلعك لكل الموضوعات واى حاجه تدايق تانى قولى واحنا نوضحلك وجه نظرنا فيها

اسفه على الاطاله

وتقبلى مرورى

ساندي شكرا جدا على ردك واهتمامك
وبجد حضرتك ذوق جدا وبتتقبلي النقض وده شئ جميل
وانا بعد كده لو اي حاجه معجبتنيش هابعت لك بيها رساله خاصه عشان منزعلش حد
شكرا مره تانيه

Dr_luka كتب:

ساندي شكرا جدا على ردك واهتمامك
وبجد حضرتك ذوق جدا وبتتقبلي النقض وده شئ جميل
وانا بعد كده لو اي حاجه معجبتنيش هابعت لك بيها رساله خاصه عشان منزعلش حد
شكرا مره تانيه

اولا شكرا على كلامك الجميل دا

ثانيا عادى بجد لو نقدتى اى موضوع من غير رسايل خاصه ولا حاجه لان من حق الجميع يعرف وجه نظرك ودى حاجه تسعدنا كلنا

تقبلى مرورى

ساندي الجميله
بصي يا سيتي
انتي اللي طلبتي اقول بصراحه ومحدش هيزعل
واليك الاتي
موضوع حوار بين الشباب والبنات
كل الاسئله اللي حضرتك كتبتيها محورها شئ واحد هو الحب
وانا مش لاقيه اي استفاده من اننا نعرف اجابتها
ده غير ان اجابتها هتكون وجهة نظر اللي جاوبها بس مش كل الشباب ولا حاجه لان بالذات في موضوع المشاعر وكده تختلف اراء الناس واتجاهتهم
ده غير ان اي شئ نسأل لازم يكون في نيه كويسه نستحضرها علشان تبقى بجد استفاده حقيقيه للموضوع ومش تضييع وقت وخلاص
بس كفايه كده ردي على دي وهاقولك حاجه كمان
سلام يا جميل

web master كتب:

السلام عليكم ورحمة الله وبركاته

شكرا ليكى يا دكتورة على الموضوع دا

ودا دليل انك عايزة ترتقى بالمنتدى

وأتمنى من كل الاعضاء ابداء رأيهم فى الموضوع دا لانه فعلا موضوع مهم

واخيرا اتمنى ان ارى منكى كل ما هو مميز لكى نرتقى بالمنتدى

وتقبلى مرورى

شكرا لحضرتك يا دكتور على الرد
وانا كمان نفسي كل الاعضاء تشارك وتقول رايها لانه مهم فعلا زي ما حضرتك قلت
وان شاء الله هاحاول اقدم كل ماهو مفيد لكي نرتقي بالمنتدى
والله المستعان

dr_huda كتب:

اولا اهلا بيكى معانا يا دكتورة لوكا ويارب تكونى معانا دايما

ثانيا

ممكن فعلا الاسئلة تكون لمعرفة شخصية اللى قدامك بس انا معاكى ان الاسئلة تكون مناسبة وفى اطار معين

أما الموضوع التانى فاكيد هى ذى ما قالت اكيد بتعرض مشكلة

وبجد شكرا ليكى على غيرتك على المنتدى وانك عايزاه يرتقى

واتمنى انك تكونى سبب من اسباب الارتقاء بالمنتدى

تحياتى

شكرا لردك ومرورك
وان شاء الله كلنا نعمل على الرقي بالمنتدى
وانا فعلا غيرت بس انا غيرت على ديني قبل المنتدى

Dr_luka كتب:

ساندي الجميله
بصي يا سيتي
انتي اللي طلبتي اقول بصراحه ومحدش هيزعل
واليك الاتي
موضوع حوار بين الشباب والبنات
كل الاسئله اللي حضرتك كتبتيها محورها شئ واحد هو الحب
وانا مش لاقيه اي استفاده من اننا نعرف اجابتها
ده غير ان اجابتها هتكون وجهة نظر اللي جاوبها بس مش كل الشباب ولا حاجه لان بالذات في موضوع المشاعر وكده تختلف اراء الناس واتجاهتهم
ده غير ان اي شئ نسأل لازم يكون في نيه كويسه نستحضرها علشان تبقى بجد استفاده حقيقيه للموضوع ومش تضييع وقت وخلاص
بس كفايه كده ردي على دي وهاقولك حاجه كمان
سلام يا جميل

بصى ياستى

موضوع حوار بين الشباب والبنات اكيد هايتعلق بجزء مننا واكيد الحب دا جزء من الجميع مش بس الشباب والبنات

اما بالنسبه للاسئله فا دى عندك حق فيها بس صدقينى دا كان حوار دار بينى انا وصحبتى وعلشان حسيت اننا كلنا اخوات واصحاب حسيت ان نفسي اعرف ايه جوابكم على الاسئله دى


وزى ماقولت لسمارت قبل كدا انا احيانا مش بعرف احاور فا لو اى حد عنده اسئله دا شئ جميل واكيد هايفدنا


وكمان زى ماقولت قبل كدا لو بجد الاسئله او الموضوع غير ملائم من حق مشرف القسم يمسحه بلاش المشرف اى عضو ممكن يمسحه


وبجد بجد انا فرحانه انك بتنقدى وبقولك ايه خليكى كدا على طووووووووووول لان نقدك رائع


تقبلى مرورى

بجد يا ساندي مش انا اللي نقدي رائع
انتي الللي ردك رائع
فعلا بتحرجيني بذوقك
وشكرا جدا على الاهتمام والمتابعه

Dr_luka كتب:

بجد يا ساندي مش انا اللي نقدي رائع
انتي الللي ردك رائع
فعلا بتحرجيني بذوقك
وشكرا جدا على الاهتمام والمتابعه

شكرا على كلامك الجميل بس فعلا انا مش بحاملك نقدك جميل

تقبلى مرورى