اشهر 20 جمله بقولوها الشباب للبنات ؟؟؟

1-حبيبتى انتى عارفه انا مش بحب حركات الشباب الطايش انا 'اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساعه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فلوس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
------------------------------------
عشر جمل جداد الولد بيقولهم للبنت بس لما يزهق منها وينفصل عنها لما يشوف واحده احلى منها
----------------------------------------
1- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

2- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

3- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

4- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

5- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

6- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

7- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحملش دموعك ... وبرده مايقولهاش)

8- انتى اكتر حد حبيته فى حياتى بس برده زى ماقولتلك مش هاينفع نكمل
(لا تعليق)

9- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

10- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا
(لا ماهو واضح)

بجد والله حلوه
ربنا يسترها ويكرمنا جميعا

ايه كمية عدم الثقه بالاخر وكمية التشام دى وف اعتقدادك يعنى ياساندى ان البنت طيبه اوى لدرجة انها متستهلش دا ما اكيد بنت دايره على حل شعرها وحماره ومبتفهمش لاانها وقعت مع حد بالشكل اللى انتى وصفتيه داوبعدين انتى ليه بتنظرى للموضع من زاويه واحده كدة ونا شايف ان موضوع موضع يعتبر ساخر بيسخر من حاله موجودة بالمجتمع ومش شرط يعبر عن العلاقه بين ولد وبنت بيحبو بعض بجد واخيرا بجد مش هزار الحب شئ كويس بين اى اتنين بيدعمو العقل ونظرتك للعلاقة بشكل واقعى
وياريت المره الجايه يبقى موضوع عن البنات لما تضحك على الشباب باسم الحب وخللى نظرتك للأمور نظرة شموليه وليست نظرة فرديه عقيمه

kad_kam كتب:: ايه كمية عدم الثقه بالاخر وكمية التشام دى وف اعتقدادك يعنى ياساندى ان البنت طيبه اوى لدرجة انها متستهلش دا ما اكيد بنت دايره على حل شعرها وحماره ومبتفهمش لاانها وقعت مع حد بالشكل اللى انتى وصفتيه داوبعدين انتى ليه بتنظرى للموضع من زاويه واحده كدة ونا شايف ان موضوع موضع يعتبر ساخر بيسخر من حاله موجودة بالمجتمع ومش شرط يعبر عن العلاقه بين ولد وبنت بيحبو بعض بجد واخيرا بجد مش هزار الحب شئ كويس بين اى اتنين بيدعمو العقل ونظرتك للعلاقة بشكل واقعى
وياريت المره الجايه يبقى موضوع عن البنات لما تضحك على الشباب باسم الحب وخللى نظرتك للأمور نظرة شموليه وليست نظرة فرديه عقيمه

اولا بجد ميرسى لكل من دخل الموضوع ثانيا انا حبيت اقتبس كلامك لحاجات معينه منها بليز بلاش الفاظ مش كويسه وانت بتكتب ( حماره وما الى ذلك )

وكمان دى وجهه نظرى والله انت لو شايف ان فى الزمن دا فى ناس مش بتعمل كدا اوكى وانا مش عممت على كل الولاد والبنات انا بقول الاغلبيه

اتمنى منك او من اللى يرغب انه يورينا وجهه نظره كمان بس من غير الفاظ زى اللى حضرتك تفضلت وقولتها

على فكره الفكره مش عقيمه ولا حاجه بس يمكن حضرتك اللى مش واخد بالك شويه او عايش فى عالم المثل

اه الموضوع مش ساخر بالعكس دا بيمس حاله موجوده وبشكل كبير فى مجتمعنا المصرى والعربى ولو شايف كلامى غلط ياريت تثبت الصح ( مع العلم انى قولت ان الاغلبيه مش كل البنات والولاد كدا )

وشكرا بجد على مرورك الرائع

طيب انا اولا بعتذر عن كلمة "حماره " دى بس صدقينى انا مقصدش بيها حاجة مش كويسه بس الموضوع استفزنى شويه وبعتذر مره التانيه
الحاجة التانيه :ان ردك على كلامى بجد افضل بكتير من الموضوع نفسه
الحاجة التالته :انامقصدش ان الفكرة عقيمه ولكن انا قصدى ان كلامك فى الموضوع دا لازم يكون فى حياديه وانه يناقش الفكرة من كل الزوايا سواء بالايجاب او بالسلب بكده هنقدر نستفاد بدل النظره الفرديه اللى بتبقى عقيمه فى انها توصل شئ ايجابى
الحاجة الرابعه:انتى بتقولى انى اثبت دا !!!!!!!انا بصراحه معرفش اثبتهول ازاى هنا ع المنتدى بس صدقينى انا مش صغير وشفت قدامى تجارب كتير كانت ناحجه وكان فيها حب بجد وبرده شفت تجارب كانت فاشله دا موجود ودا موجود
الحاجة الخامسه:انا بكشرك لانك افتكرتى ان الموضوع مش كل البنات ولا كل الشباب بيعملو كدة بس فعلا الموضوع دا بيعبر عن صورة موجوده ف المجتمع ومش بالضرورى تعبر عن المجتمع كله قصدى بالمجتمع هو مجتمع الشباب والبنات
الحاجه الاخيره انى بشكرك على طرح الموضوع واتمنى انك تدعى لاحترام المشاعر والحب والصدق والاخلاص بين اى اتنين بيحاولو يرتبطو ببعض

» 38 جمله رائعه
» هنا تجدين مواقع اشهر الماركات
» غرف نوم للبنات
» حجرات نوم للبنات
» ماسك قبل المكياج .......للبنات فقط