أكشـن المنتدى .. أكشنها ومتهزرش !! نقاش حاد من غير مجامله ادخلووووووووو؟؟؟؟؟؟؟

بصي هو الموضوع جامد جدا
والموضوع اللي طرحتيه اجمد
وردك اجمد واجمد
بس انا شويه كده وهادخل ارد
عشان بافكر في حاجه دلوقتي مش مركزه
شوفتي عديتيني

هههههههههههههههههههههههههههههههه
اوكيشن يا جميل

من حيث الظاهرة دى هو لمسها فى حياته ؟
ايوة


وياتري الظاهرة دى أية طرق القضاء عليها ؟
التمعن في كتاب الله في ايات التقوي
اللي بتخاطب القلوب
وهو ده اللي يفرقنا عن الصحابة
انهم كانوا يتلقوا القران للتنفيذ
لا للاعجاب او الثقافة او التمتع بالصوت الحسن


ليه بقينا كده ؟

لاننا مليانين امراض قلوب نفاق وكبر وغش وغرور وحقد وطمع وانانية وبخل وجبن وكذب وووووو

ليه بنهرب من مصارحة الطرف الآخر والمهم نثبته بكلمتين عشان المصلحة دى وغيره غيره ؟
لاننا كاصحاب قلوب مريضة اهم اولوياتنا المصلحة الوقتية



ياتري العيب فى أننا عندنا أزمة أقتصادية وثقافية وأدبية ؟
لا لا لا
لان ممكن اكون فقير ومش مثقف لكن عندي كم من الاحترام والمصداقية مش عند دكاترة الجامعة مثلا
واللي عايز يتاكد يقرأ في سيرة الصحابة



ولا عشان فقدنا أزاى نفرق بين الذوق والمجاملة الكاذبة ؟
ده عرض من الاعراض مش هو المرض
المرض الحقيقي في قلوبنا



طيب ما تعرفلي الأتنين من وجهة نظرك ؟
الذوق : التصرف اللطيف سواء بكلمة او نظرة تحمل معاني كتير من الشكر والاخوة
المجاملة الكاذبة: هو ذوق مبالغ فيه ولكنه اكيد لمصلحة


طيب أنت من الناس دى ؟ طيب ناوى على أية ؟
اكيد متأثر بمرض عام بنعيشه
ناوي اتاثر بايات القران اللي بتغرس فينا التقوي
علشان نصلح قلوبنا ومنستناش رقيب



هى ممكن المجاملة توصل لدرجة أنك تجامل نفسك ؟
طبعا



هو ليه هدف الصداقة والحب وأى علاقة هو هيعود منها أية عليا (( المصالح يعني )) ؟؟


الصداقة والحب بمعناهم الطبيعي
الانسان بيبحث عن السكن والطمأنينة مش المصالح
بس احنا فهمناها مصالح ولذلك نسبة الطلاق وصلت 40%
واي شلة اصحابكلها مشاكل ومش بتدوم

شكرا لمرورك وردك يا دكتور ومستنيه بقيت الردود والمشاركات

من حيث الظاهرة دى هو لمسها فى حياته ؟
اكيد طبعا



وياتري الظاهرة دى أية طرق القضاء عليها ؟
ان الواحد يكون عنده شوية جرأه وحريه وميستناش حاجه من حد ادامه
يتوكل دايما على ربنا ولا يلجأ لاحد سواه


ليه بقينا كده ؟
بصي الكل بيكبر دماغه يعني هو هيستفيد ايه لما يقول الحقيقه وبيخاف اللي ادامه يزعل وهي مش ناقصه


ليه بنهرب من مصارحة الطرف الآخر والمهم نثبته بكلمتين عشان المصلحة دى وغيره غيره ؟
مش عارفه بس انا عمري ما خفت من اللي قدامي دايما بقول له الصراحه ومن غير ما اجرحه يعني لو انا شوفت حاجه وحشه في واحده صاحبتي هاقول لها لان كده انا هافيدها وهي اكيد هتفهم ان انا قصدي مصلحتها وممكن تزعل في الاول بس لما تفكر هتحس ان اللي عملته هو الصح ودا حقها علي والموضوع دا حصل معايا كذا مره



ياتري العيب فى أننا عندنا أزمة أقتصادية وثقافية وأدبية ؟
لاء احنا عندنا ازمه نفسيه
كل واحد منفسن من اللي قدامه
محدش بيحب يشوف حد احسن منه يعني يقول هو انا لو قلته له ان ده غلط هاستفيد ايه غلطه بيضره هو مش انا فاجامله احسن
طبعا ده مش تفكير كل الناس
بس فيه ناس تانيه بتجامل عشان هي ذوق جدا
وفي ناس متعودتش تقول رأيها بصراحه
ممكن تكون ازمه ثقافيه



ولا عشان فقدنا أزاى نفرق بين الذوق والمجاملة الكاذبة ؟
فعلا فقدنا جدا
احنا اصلا فقدنا معنى الذوق
بصي انا من ساعة ما روحت الجامعه وانا مشوفتش حد بيعاملك بذوق الا ما رحم ربي
فبقى فيه حاجه غريبه الناس بتتعامل بيها
هي مصلحتي
ومن مصلحة اللي ادامك انه يجاملك وخلاص




طيب ما تعرفلي الأتنين من وجهة نظرك ؟
الذوق اننا نتعامل مع الناس صح بتعاليم دينا ونخاف على مشاعر اللي ادامنا
انما المجامله انك متكونش صادق مع اللي قدامك لاي غرض في دماغك


طيب أنت من الناس دى ؟ طيب ناوى على أية ؟
انا المجامله عندي اكيد ليها وجود بس مش مجامله كاذبه ولا لمصلحه بس مثلا لو لاقيت حد مش لابس حلو ولبسه ده عجبه بس مش عاجبني عمري ما هاقول له لبسك وحش
وانا راضيه عن نفسي في الموضوع دا مش ناويه اعمل حاجه



هى ممكن المجاملة توصل لدرجة أنك تجامل نفسك ؟

لا الصراحه لو الواحد كدب على كل اللي حواليه لازم يكون صادق مع نفسه ولازم يقسو عليها بدون مجاملات


هو ليه هدف الصداقة والحب وأى علاقة هو هيعود منها أية عليا (( المصالح يعني )) ؟؟

انا مش فاهمه اوي السؤال
بس اللي اعرفه ان الصداقه والحب انا عمري ما اعتبرتهم مصالح
انا اصلا صداقاتي قليله لاني مش باصاحب غير اللي انا فعلا بحبه ولو انا مش باحب اللي ادامي عمري ما هاصاحبه حتى لو كانت لي عنده مصلحه
التوكل دايما بيكون على ربنا وعمري ما حطيت املي او عشم في حد


اتمنى اكون رديت في حدود الموضوع وماخرجتش بره
لاني الصراحه ساعات كده باخرج كده وياخدني الكلام شويه
شكرا على موضوعك الجميل يا شوشووووووووووووووووز

ثانكووووووووووسات يا لوكا على ردودك
وسلامووووووووووووووووز

موضوعك رائع دكتوره شيماء وكمان الردود اروع

بس اصبرى عليا اخف من التعب الى انا فيه دا وارد عليه صح

استنى ردى قريبا

تقبلى مرورى

الف سلامه عليكى يا ساندى خير ماللك

دكتوره شيماء فين الحلقة التانيه وشكرا ع الموضوع الجامد دا وبصراحة الدكاترة وفوا في الاجابة