لو جرئ ادخل وجاوب

من انت ؟ وما الذي تفعله هنا؟
بنت عاديه نفسها ترضي ربها وتدخل الجنه
بعمل ايه امممممممممممممممم
زي ما هو شعارنا في المنتدى نلتقي لنرتقي
باحاول افيد واستفيد
بس بصراحه ومن غير زعل
ساعات بيضيع الوقت ع الفاضي من غير ما اعمل حاجه مفيده
واخيرا اغلس على ساندي

لو ظهر في داركم بئر نفط هل ستخبر الدوله ام لا؟
انا الصراحه مش عارفه حكم الموضوع ده يعني البئر من حق مين ساعتها هاسال شيخ ثقه واعمل بالحكم الشرعي

لو قدر لك ان تدخل السجن في اي قضيه تتمنى ان تدخل؟
الصراحه سؤال غريب شئ عمري ما فكرت فيه
بس اكيد اتمنى اني اكون عملت حاجه صح لديني بس الناس التانيه شايفينها غلط

انت مكلف بحذف حرفين من حروف اللغه ايهما تختار ولماذا؟
اختار السين والصاد
اصل مخارجهم عندي ضاربه جدا وباطلع فيهم صفير كتتير وبجد مش عارفه اظبطهم والشيخ اتخنق مني

في يديك قنبله يدويه وفي الاخري ورده اين ستضع القنبله واين ستضع الورده؟
القنبله اكيد في وجهه عدوي
والورده على خد امي

يقال ان الكتابه محاوله للطيران بطائره ورقيه.. مجرد احلام في الهواء ما رايك انت؟
لا هي مش طيران هي تعبير عن اللي جواك انك تطلعه ممكن تستريح بعد كده انك قلته وممكن تندم
انا الصراحه خيالي مش واسع اوي وعمري ما حسيت بموضوع الطيران دا

بجمله واحده اكتب تعريفا لكلا من

الوطن
الحضن الكبير

الام
رضاها غايتي

الليل
مقصد كل محب

الحب
الحب الحقيقي هو الحب في الله

الصمت
احيانا يكون مهم جدا واحيانا يكون مستفز

امريكا
نفسها تسيطر على العالم

المراه
مخلوق ضعيف يدعي القوه يحتاج دائما الى الرجل بجواره

الانترنت
سلاح ذو حين

البوابه
بوابة ايه بالظبط الصراحه عمري ما تخيلت تعريف للبوابه غير المدخل

الماسنجر
ملتقى للملايين وانا مش باحب الزحمه

على افتراض ان كائنا جاء من المريخ ووجد امامه صحيفه كيف سيعرف انها صحيفه؟
سؤال غريب الصراحه مش عارفه بس يمكن عشان هيلاقي فيها اخبار وذبح ابرياء واستشهاد الكثيرين وسرقه اموال الدوله وهروب بره البلد وناس تغرق وتموت ناس وتاخد براءه

كيف تتخيل العالم بدون هذه الاشياء

الشاي
عالم مصدع وانا اولهم

الكمبيوتر
قلة اتصال مع الاخرين

امريكا
زي ما هو

يوم الجمعه
وحش جدا مفيش اجازه ولا ساعة اجابه

اختر منصبا واتخذ قرارا
الرئيس الاعلى للنت(منصب خيالي
هامنع كل البنات من دخول النت الا باشراف لانهم هبل وبيضحك عليهم

عاد المتنبي وقصدك لتبحث له عن عمل ماذا ستقترح عليه؟
ان يرجع من مكان ما اتى لان الدنيا بقت وحشه جدا واصلا مفيش شغل

يقولون ان انظمتنا اله متسلطه على شعوبها لكي تنشا جيلا صبورا على المحن ما تقول انت؟
واخرة الصبر اللي هما عايزينه ايه

لو كنت مرشدا سياحيا في صحراء الربع الخالي من ستصطحب معك ولماذا؟
ساندي
لماذا عشان اغلس عليها

خمسة اعضاء من المنتدى وامنحهم القابا

ساندي
قلب المنتدى النابض

ريم
اذوق وارق من في المنتدى

شيماء
نجمة المنتدي الاولى

دكتور سمارت
نجم المنتدى الاول

الويب ماستر
عقل المنتدى المفكر

دكتوره هدى
فراشة المنتدى تطل علينا بين الحين والاخر

معلش طلعوا سته

وجه رساله لشخص لايعرفه الا انت
مع انه عمره ما هيعرفها
انما وحشتيني

ما هو لون النسيان
جينز كحلي
من غير ما تضحكي هاقولك ليه
اصل ده اكتر لون مش بيبان فيه البقع اكتر من الاسود الاسود لو شوية تراب بيبانوا فيه
واللي بينسى معناه انه بيتبهدل كتير بس البقع موجوده وهو اللي مش شايفها