حوار ساخن بين الشباب والبنات

طيب ممكن ابدا بالنيابة عن فريق الشباب
اذا نظرنا الي واقع البنات وللاسف نشوف كتير منهم مش ملتزمين بتعاليم ربنا في لبسهم
والمشكلة الاكبر ان لو حاولت تفهم من اي واحدة فيهم ايه اللي يخليها كده
تلاقي معندهاش اجابة
وكانها بتقلد وخلاص
انا شخصيا بسال نفسي هم البنات اليومين دول بيقلدوا وخلاص مفيش شخصية؟
ولا العيب في الدعاة اللي مش موضحين الامر؟
ولا المجتمع كله متخلف ودي واحة من ظواهر التخلف؟
ولا البنات المحجبات مقصرين في العوة الي الله؟
نفسي اجد لهذا السؤال اجابة

انا شخصيا بسال نفسي هم البنات اليومين دول بيقلدوا وخلاص مفيش شخصية؟
ولا العيب في الدعاة اللي مش موضحين الامر؟
ولا المجتمع كله متخلف ودي واحة من ظواهر التخلف؟
ولا البنات المحجبات مقصرين في العوة الي الله؟
نفسي اجد لهذا السؤال اجابة


بجد اسئله صعبه

بس هحاول اجاوب عليها

فعلا البنات اليومين دول بيقلدوا بس بدافه او تحت مسمى الموضه انا عن نفسي بسميها تقاليع خاطئه وسورى كمان غبيه


انا مش ضد الموضه بس ناخد الى مناسب لينا وتقاليد مجتمعنا

وكمان انا عن نفسي بحط كل المسؤوليه على الاسره والمدرسه لان دا يعتبر سوء تنشئه اجتماعيه وثقافيه


وكمان بالنسبه للدعاه

معرفش الى هاقوله دا هيعجبكم ولا لاء

بس انا سمعت كتير فى القناوات الدعاه

المفروض يتكلموا ببساطه ويوضحوا الامور علشان من حولش القناه ونتفرج على غيرهم

لازم نتكلم بطريقه مبسطه


بالنسبه للمجتمع هو اصبح متخلف جايز بس انا مش هاتكلم فى نقطه انا مش اعرفها وحاولت اجاوب


شكرا لاسئلتك الرائعه سمارت

وتقبل مرورى

وياريت لو كلامى غلط اى عضو يصححه

بصراحة انا معجب بردودك
وان كنت متضايق لان مفيش مشاركة فعالة
لكن عامة انا متفق في كتير من ردودك
وموافقك ان الدعاة محتاجين يبسطوا لغة الاقناع لان مش كل الناس علي مستوي واحد من الادراك
واتمني حوار نشيط

شكرا لمرورك الرائع بس واضح ان مفيش حوار خالص يعنى مفيش حد بيدخل يتناقش ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

موضوع رائع

على فكرة هو موضوع فعلا مفيد للكل

ياريت الكل يشارك فيه

وشكرا يا ماستر انك ثبته

تحياتى

اولا شكرا لمروركم الرائع

ثانيا ومن غير زعل

انا مش مستنيه ان اى عضو يدخل ويقول موضوع رائع ياجماعه انا بجد عوزا الى يدخب مش يشكر فى الموضوع وبس لاء كمان يتكلم يحاورنا يشوف هو او هى عاوزه تسال او يسال عن ايه ايه السؤال الى حابب يعرف اجابته هو دا قصدى

انا اسفه على الاطاله

وتقبلوا مرورى

على ما اعتقد يا ساندى ان سمارت سأل سؤال وانتى جاوبتى يعنى السؤال دلوقتى على البنات انا عن نفسى مستنيه بفارغ الصبر
اللهم ابعد عننا الاسأله المحرجه
امين امين امين

تقبلى مرورى

سمسم

اوكى انا الى غلطانه ونسيت اضيف سؤال

صراحه انا هاسال اسئله عن الحب كنا بناقشها انا وصحبتى

الاسئله هى

- ما هو تعريف الحب ؟
- هل تؤمن بالحب ؟
- هل تؤمن بالحب من أول نظرة؟
- هل يختلف معنى الحب عبر العصور؟
- ما هو تأثير العمر على معنى الحب في المراحل التالية ( مراهقة , شباب , بعد الأربعين )
- فرق العمر بين الطرفين هل يؤثر على علاقة الحب؟
- أيهما أنجح ,الزواج عن طريق الأهل أو عن معرفة سابقة؟
- هل ممكن ان تحب أكثر من مرة؟
-هل يمكن أن يكره الأنسان الشخص بعد أن أحبه؟
- هل للمادة دور رئيسي في استمرار الحب؟
- نجاح الحب مستحيل أم ممكن , و كم نسبة نجاحه؟
- هل يمكن أن يستمر الحب في حال تغير الطرف الآخر من نواحي :
أ- عاطفية ب- غير عاطفية
- أيمكن للحب ان يغير مجرى حياتك؟
- البعد أيخفف المشاعر أم يلهب الأشواق؟
- هل يتغير الحب بعد الزواج؟
- بوجود الحب أيشترط وجود السعادة؟
- هل الغيرة ضرورية في الحب و ما دورها ؟ سلبي أم ايجابي؟
- أيهما أخلص الشب أم البنت؟
- هل الحب عبر الأنترنت و غرف الدردشة ممكن؟ (بمعنى أن تحب شخص لمجرد معرفتك لأفكاره بدون معرفة شكله أو صوته )


يالا مستنيه الاجاااااااابه

فين الشباب مش بيردووووووووووا لى ياريت نشوف المشاركات يا شباب طب اعمل انا ولد واجاوب وخلاص

ممكن الاسئله تكون مش مناسبه يالا ولايهمك يا شيماء جاوبى وخلاص بقى

معلش يا ساندي ويا دكتورة شيماء اتمني من فريق البنات سؤال يتفتح بيه حوار مش قائمة اسئلة عشان يناسب اسم الموضوع (حوار) ولا انا غلطان فارجوكوا حطوا سؤال نفتح بيه حوار واحنا هنجاوب
وان كنت مستغرب ان الشباب هربوا من المنتدي
وانا مش فاهم الويب ماستر ود/محمد سعيد وسمسم والحسين تمساح والباقي راحوا فين

ماشي
صح فعلا الاسئله كتير اوي
انا هاسأل سؤال واحد
ليه الشباب بيحبوا دايما يعرفوا بنات ع النت مثلا او يعرفوا بنات وخلاص
وفي الاخر يقولوا انا عمري ما هتجوز بنت مشيت معاها
انا طبعا شايفه ان ده غلط وحرام من البنت والولد
بس ليه الشاب مش بيشوف نفسه غلطان

ده ناتج لثقافت غبية ومتخلفة اتغرست فينا من سنين
ان الولد مش مشكلة انه يغلط وبالتالي كمية الرقابة اللي بتمارس علي من اهله ضعييييييييفة
وهو ده اللي ودانا في داهية
يبقي الاب عنده ابنه يشرب سجاير عادي
يتكلم مع بنت وماله
مع ان ربنا الحكم العدل ساوي بين الرجل والمراة في التكاليف الشرعية بمعني متساويين في الحقوق والواجبات
قال تعالي (من عمل عملا صالحا من ذكر او انثي وهو مؤمن فلنحيينه حياة طيبة)
يبقي الاهالي رفضوا الميزان ده وقالوا الولد يغلط ماشي لكن البنت لا
فالولد تصور نفسه عايش سبهللة ومفيش ظبط وربط
تنتهي بان الاب يكتشف ابنه مدمن مخدرات
مدمن للعادة السرية
متجوز عرفي
ويقول ياريت اللي جره ماكان
فهو ده السبب في شعور الولد بالحياه الفوضوية
نقول ايه ربنا يهدي الاهالي
قبل مايهدي الابناء

وسؤالي انا كل ما اكون ماشي في الشارع او راكب مواصلات لايمكن ينتهي المشوار بدون معاصي بسبب المتبرجات
ويكون تعليق الناس كلها (قلة ادب) او بنات اخر زمن
واللي مش فاهمه
مادام الناس كلها رايها كده
امال اللي ماشية دي ملهاش اب ولا اخ ولا زوج ولادول جايين منين؟؟؟؟؟
حد يجاوبني بالله عليكم

بص هاقولك
في بنات بيعملوا حاجات من ورا اهلهم
انا روحت مع اختي مره جامعة القاهره وبجد فرق شاسع بين البنت قبل ما تدخل الحمام وبعد ماتخرج
وكمان في ناس مش بتقدر تلم بناتها
وفي ناس من اللي بتسمعهم بيقولوا وخلاص
بيتكلموا مع اللي بيتكلم يعني انما هما بيسيبوا بناتهم سوري يعني ماشيين على حل شعرهم
سؤالي بقى
عمالين تتكلموا على لبس البنات
في شباب اليومين دول بيلبسوا لبس سوري يعني مقرف جدا
بديهات مش حتى تشيرتات بترتر والوان مش رجالي خالص
انا الصراحه باستغرب جدا من الموضوع ده
لان اهم حاجه في الراجل رجولته ودي حاجات بتخليهم مفيهمش اي رجوله
معرفش الصراحه قصدهم ايه
دي عمرها ما كانت شياكه
حد يقول لي دي ايه بالظبط

اقولك انا الموضوع دا فى كتير من البنات بتفتكر انها لما تعمل كدا وتلبس الى مش ملبوس اصلا انها هاتلفت الانظار ليها من ناحيه الشباب وبمعنى اصح هاتتجوز بقى وكدا
لكن هى مش فاهمه ان معظم الشباب لما بيبصوا بس للنظر لكن انا سالت صراحه حد فى سننا وقولتلوا تقبل ان مراتك تلبس كدا قالى انا مراتى مش هاقبل انها تمشى فى الشارع من غير نقاب
سالت تانى قولت طيب ليه الشباب بيبصوا على البنات الى متبرجات والى لابسين المكسم وكدا
قالى عادى اصلى البنات دى للمشاهده فقط لكن انى افكر اتجوز منهم ابدا
اظن كلامى وضح والمفروض البنات الى بتمشي على الموضه زى ماهى متسميه ياستى مش فيها حاجه امشي على الموضه بس باحترام يعنى الاسبانيش والميك اب دا مش ليه اى لازمه والله لو قلعت الحجاب ارحم من الى بتعمله
لاء والمصيبه ان فى امهات تفتكر ان بنتها لما لبست الطرحه القصيره دى اسمها اتحجبت
دا مش الشرع الى ربنا قال عليه

والموضه مش هاتنفع يوم القيامه الى هاينفعك عملك الصالح والى هايضرك عملك السئ

اسفه للاطاله

وعاوزه تفسير من الشباب عن المعكسات الى بتحصل يعنى اكبر مثال واحده منقبه وكمان بتتعاكس صراحه انا مستغربه اوى هل هى روشنه وشطاره ان الشباب يعاكسوا ولا ايه بالضبط ؟؟؟؟؟؟؟؟

حرية الولاد علي الشات ومعاكستهم للبنات نتيجة للفوضي اللي اتكلمت فيها منشوية
استأذنك ياساندي
ترجعي لاجابتي علي سؤال الدكتورة لوكا
هو نفس الكلام بالظبط
اما عن موضوع اللبس اللي مفيهوش اي رجولة
طبعا عندك حق والسبب ان دول اتباع موضة متخلفة ومش فاهمين اي حاجة
واللي هيسئل عن كده احنا الشباب لاننا مبلغناش دعوة الله ليهم
بل بالعكس احنا بنسيبهم ونقول يولعوا
وده غلط ادعو اي شاب ملتزم لتغيير هذا الفكر
لان الرسول دعا ابو جهل وابو لهب وعتبة وشيبة
وكل صناديد قريش

وسؤالي ايه مدي نجاح الداعيات في تحقيق نجاحات مع البنات

وسؤالي ايه مدي نجاح الداعيات في تحقيق نجاحات مع البنات؟
قبل الاجابه على سؤالك
اولا من غير داعيات البنت الى عاوزه فعلا تتقرب الى ربنا مش محتاجه وسيط
وثانيا موضوع التدين دا بيرجع للاسره المحيطه بيها لثقتها فى خالقها للاصدقاء الى معاها
ثالثا موضوع الداعيات اكيد ليه تاثير كبير بس انا فاكره انى كتبت رد فى موضوع الداعيات طبعا بيحفذونا بس اهم حاجه الاسلوب الاسلوب الى تقدر بيه الداعيه تدخل قلب البنت وتحمسها اكتر واكتر
طيب ما احنا احيانا بننشد اكتر للشيوخ ليه علشان اسلوبهم جميل وبيوصلنا للى احنا عاوزينه
ودى وجهه نظرى يارب مش تزعل حد

انا معاكى يا ساندى في رايك ده فعلا ده بيرجع اساسا للاسره والبيئه والاصدقاء اللى البنت نشات فيها بس برضوا ممكن الواحده تتاثر شويا بالتغيرات حوليها وتبعد شويا فاما تسمع كلام من الداعيات ده ممكن يبعدها عن الحاجه دى

مفيش اسئلة من البنات ليييييييييييييييه؟؟؟؟؟؟؟

-
مانظرتك للبنت ذات الملابس الخارجة على الادب؟؟؟

_ هل تحكم على اي بنت بمجرد النظر الي لبسها وماهو حد الحشمة عندك ؟؟؟
ايوة بحكم عليها بلبسها وحد الحشمة ان تكون الملابس تستر ولا تشف ولا تجسد
_ عندما تقف امام بنت وتحس انها فرضت عليك احترامها رغم ان ملابسها خارجه عن الادب فماذا تفعل؟؟؟؟
اتعامل باحترام مع عدم النظ اليها ولو هتزعل يبقي مش ذنبي انا مقلتلهاش تلبس وحش
- هل لحشمة الملابس دور في احترام الفتاة ام انها قناع زائف لدى بعض البنات ؟؟؟
الاصل فيها ان لها دور اما اللي بيستخدموها قناع زائف يبقو دول الشواذ بتوع القاعدة
_ هل تعتقد ان الغزو الفكري من اوصل اغلب الشباب الى نشر فضايح البنات؟؟؟؟
الله اعلم