| مطبخ ريم حسام | |
|
|
|
كاتب الموضوع | رسالة |
---|
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: مطبخ ريم حسام السبت أكتوبر 24, 2009 10:29 am | |
| طبعا انتم عارفين انا بحب اعمل اكل ازاى ؟ وبالاضافة بحب اتابع كل جديد وبما اننى خلصت واخدت الاجازة ففضيت للمطبخ بتاع المنتدى علشان كل الاعضاء تدوق اكلى وتقولى رأيها المهم يابنات انتم عارفين انى صعيدية وطبعا الصعيد مشهور بأكلات او اضافات في الاكل تختلف قليلا عن بحرى وبلاحظ كتير من بحرى مش بيحبوا اكلنا ع الرغم انهم ما داقهوش انا قررت اضيف اكلات صعيدية في المطبخ بتاعى وعاوزاكم تجربوها في الاجازة وانتم هتعشقوا اكل الصعايدة وطبعا عارفينى افتخر بكونى صعيدية وطبعا مش هضيف بس اكلات ومخبوزات خاصة بينا لا انا كمان هضيف اكلات تانى بمعنى كل الاكلات اللى بعرف اعملها هضيفها سواء كانت ع طريقة الصعيد او ع طريقة بحرى او حتى اكلات خليجية اكون بعرف اعملها وحلويات كمان ويارب تعجبكم وتدعولى
عدل سابقا من قبل ريم حسام في الإثنين نوفمبر 09, 2009 9:37 am عدل 1 مرات | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام السبت أكتوبر 24, 2009 10:45 am | |
| انا انهاردا عملت الكشك الصعيدى وطبعا بلاقى كتير من الناس مش بتحبه ممكن يكونوا بيعملوه في وقت مش مناسب انسب وقت لعمل الكشك هوه فصل الشتاء لانه بيحتوى ع القمح والدقيق واللبن والطماطم فطبعا بيدى الطاقة لو اتعمل في الصيف بيبقى تقيل والواحد مش قادر يتنفس هذه الوجبة تكفي لاربع اشخاص المقادير كوب لبن رايب 4 طماطم مضروبين في الخلاط ملعقة دقيق ياريت يكون في شوربة طيور وياحبذا لو كانت شوربة حمام 9:10 وحدات من الكشك الصعيدى 2 بصلة متوسطة 1 ملعقة سمنه بلدى كبيره الطريقة 1/ تبشر البصلة وتحمر في السمن البلدى 2/ ضيفي عصير الطماطم وسبيه شويه لحد مايتسبك بس مش جامد 3/ ضيفى الكشك وافضلى قلبيه وهتلاقيه بيتفرم معاكى وسيبه ع النار 5:6 دقايق علشان الصلصة تتسبك كوبس 4/ ضيفى الشوربة وقلبي كوبس وحطى بعد كدا اللبن الرايب والدقيق واستمرى في التقليب حتى يصبح قوامه مثل قوام البشاميل ملحوظة الاكله دى مش بيتحطلها ملح علشان الكشك بيبقى مملح وكذلك الشوربه وطبعا الرايب فيه نسبة مزازه ممكن تعوضى بدل الدقيق نشا ممكن تعوضي بدل الرايب لبن حليب الاكله دى زى ماقولت نفس سمك البشاميل وان تقلت تخفف بشوربه وان خفت نتقلها بدقيق ولونا بيبقى فاتح جدا وغدا نلتقى باذن الله مع اكلة تانى | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء أكتوبر 27, 2009 9:03 am | |
| البامية بالكسبرة الخضراء هذه الوجبة تكفي ل 3 اشخاص المقادير 1/2 ك بامية خضرا 1 حزمة كسبرة خضراء لحم ويفضل اللحم الضأن 2 بصلة مفرومة 5:6 فصوص ثوم كبير سمنه او زيت حسب الرغبه ملح فلفل بهارات ريم حسام الطريقة 1_يوضع البصل المفروم اثناء سلق اللحم 2_قرب ماتستوى اللحم نفرم الكسبرة الخضراء وتوضع ع الشوربة ثم توضع البامية والبهارات والتوابل والملح 3_نضع فص ثوم عندما تنضج البامية او قرب النضج بقليل 4_ يدق الثوم مع الكسبرة الناشفة ويتم تحميرها في السمن البلدى في مقلاة ومن ثم توضع ع البامية وبالهنا والشفا وياجماعة دى طريقة الاكل النى في نى وطبعا انتم عارفين فايدتها عن المسبك وجربوها وبجد مش هتحسوا انها نى في نى والبامية بالطريقة دى تجنن عن البامية اللى بالطماطم وع العموم الطريقة المتسبكة هتكون كالاتى : 1_يحمر البصل في القدر مع قليل من السمنه 2_توضع اللحمة وتشوح قليلا مع البصل ثم يضاف لها الماء لكى تنضج اللحم 3_ قرب نضج اللحم نضيف البامية مع الكسبرة الخضراء المفرومة في الخلاط 4_قرب نضج البامية نضيف فص ثوم واحد 5_ تعمل التقليه عن طريق تحمير الثوم مع شوية كسبرة ناشفة في معلقة سمنه بلدى وتتطش ع البامية وبالهنا والشفا | |
|
| |
حكيم الواادى عضو مساهم
الجنس : المشاركات : 26 تاريخ التسجيل : 22/10/2009
| موضوع: رد: مطبخ ريم حسام الثلاثاء أكتوبر 27, 2009 11:21 am | |
| المفروض ياريم يعملوا ليكى برنامج على قناة دريم اسمة ريم على دريم وتعملى الاكل اللى انتى عاوزة فى هيبقى بث مباشر ونتفرج على الاكل وهو بيتحرق ياشيف ريم | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء أكتوبر 27, 2009 4:45 pm | |
| هههههههههههههههههه تتفرج ع الاكل وهوه بيتحرق طيب جرب بس وقولى رأيك وبعدين شوف اذا كنت هحرق ولا لأ | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء أكتوبر 27, 2009 5:37 pm | |
| الكانيلونى بعصاج اللحمة المفرومة الوجبة دى من وجباتى المفضلة ياجماعة بس لازم تاخدو بالكم من طريقتها ولو جربتوها الكل هيحبها وخصوصا الاصدقاء اولا مقادير الكانيلونى 3 بيضات 1 1/2 كوب دقيق 2 كوب لبن ملح فلفل زيت اوسمنه ثانيا مقادير العصاج لحم مفروم ع حسب الرغبة ممكن نخليها كيلو والباقى نحفظة في الفريزر بصل للعصاج وطبعا كمية البصل في العصاج بتفرق من بيت للتانى ملح فلفل بهارات ريم حسام جبنه موزاريلا وملعقتين خل ملعقة سكر وزيتون اسود وفلفل مقطع طولى اخضر او احمر كوب عصير طماطم 1/2 جزر مبشور الطريقة : اولا هنعمل الكانيلونى يقلب اللبن مع الدقيق ويضاف الملح والفلفل ويخلط البيض معهم ويقلبوا جيدا ويضاف ماء اذا كانت العجينه سميكة غالبتا سمك العجينه نفس سمك القطايف او اخف كمان ثم نصفى العجينه بمصفاة ناعمة الخطوة المهمة يكون في طاسة كبيرة ويفضل التيفال او الصاج ونتركها ع النار حتى تسخن جيدا جدا وبقطعة من القماش توضع فيها القليل من الزيت او السمن وتمسح بها الطاسة او المقلاة ثم نضع القليل من العجينة ع الطاسة ونحرك الطاسة يمينا ويسارا مثلما نفعل مع البيض الامليت وتترك ع النار حتى تحمر قليلا ثم تقلب ع الوجة الثانى وهكذا تصبح لدينا واحدة كانيلونى تكرر العمليه السابقة حتى ننتهى من العجينة كلها ثانيا طريقة العصاج نشوح البصل في قليل من السمن قليلا ثم نضيف اللحم المفروم والتوابل والملح والفلفل ونضع نصف كوب عصير الطماطم وتترك حتى تتشري اللحم المفروم كل عصير الطماطم ثم نضع الخل وملعقة من السكر ثم نضع الزيتون والفلفل والجبنه المزاريلا والجزر ويقلب الخليط جيدا نأتى بالحشوة ونحشي بها الكانيلونى ويلف مثل ساندوتش الشاورمة السورى ثم يوضع في صينية وتدهن سطحها بالسمن وممكن نضع عليها كوب عصير طماطم ورشه جبنة موزاريلا ثم تدخل الفرن ومن الممكن ان نضع قليل من البشاميل ع الوجه وجبنه موزاريلا او جبنه رومى وتدخل الفرن وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الإثنين نوفمبر 02, 2009 3:40 pm | |
| لقمة القاضى
المقادير:
1/2 ك دقيق ذرة ملح 1م ك خميرة بيرة 1م ك سكر 2 حبة بطاطس مسلوقة جيدا ومهروسة مقدار من الماء الدافئ للعجينة زيت للتحمير
مقادير الشيرة
لقمة القاضى تأخذ شيرة مركزه ونعنى بالشيرة المركزة مقدا اسمه 2:1 بمعنى هنا في بقمة القاضى محتاجين كوب سكر عليه 1/2 كوب ماء ونصف ليمونه وفانليا
الطريقة
1_تضاف الخميرة وملعقة السكر مع قليل من الماء الدافئ في اناء وتقلب جيدا وتترك لتخمر . 2_ بعدما تخمر ينخل الدقيق ويضاف الى الخميرة مع ذرة الملح والبطاطس المهروسة ويقلب جيدا ثم يضاف الماء الدافئ وتقلب ومن ثم تترك لتخمر . 3_بعدما تخمر العجينة نسخن زيت التحمير جيدا ثم نقطع لقمة القاضى بملعقة صغيرة مبلولة في ميه يعنى كل مانقطع واحدة نبل الملعقة في مية ونقطع اللى بعدها وهكذا . 4_ وبعد ان تحمر تنشل من الزيت بمقصوصة وتلقى في الشيرة الباردة .
طريقة اعداد الشيرة :
نضع السكر والماء ع النار حتى يغلى مع التقليب جيدا للتأكد من ذوبان السكر وعند الغليان نعصر نصف الليمونه ونضع القشرة بتاعتها كمان ومن ثم الفانليا وخلاص كدا بقى عندنا شيرة مركزة . طبعا هنسيبها تبرد
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الإثنين نوفمبر 02, 2009 3:50 pm | |
| بطاطس بالثوم ودى اكله خفيفة وحتى الاطفال هيحبوها اخف من صنية البطاطس ولا البطاطس المطبوخة
المقادير
4 حبات بطاطس متوسطين مقدار رأس ثوم سمنه بلدى شوربة مرقة دجاج ملح فلفل بهارات ريم حسام مش حد تانى
الطريقة:
1_ تقشر البطاطس وتقطع حلقات ايضا يقطع الثوم بالسكين اما لو مش بتحبوه مقطع كبير خلاص افرميه 2_ توضع السمن في اناء ثم ترص طبقة من البطاطس فوقها شوية توم وهكذا 3_ تسقى بالشوربة وتضاف المرقة والملح والفلفل والبهارات الخاصة بريم حسام
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء نوفمبر 03, 2009 8:30 am | |
| البيتزا ودى ياجماعة مش منقولة والله دى البيتزا اللى بعملها ومتعلماها طبعا من امى الحبيبة
المقادير
اولا المقادير الخاصة بالعجينة :
2 كوب دقيق 1م ك خميرة بيرة 1 بيضة ذرة ملح ملعقة سمنه بلدى ولبن للعجن ملعقة سكر
ثانيا مقادير الحشوة :
لحم مفرومه كوب عصير طماطم ملعقة سكر 2ملعقة خل 1 بصلة كبيرة ملح فلفل وبهارات
جبنة شيدر جبنة رومى فلفل اخضر مقطع حلقات طماطم مقطعة حلقات زيتون اسود جبنه لافاشكري اللى بيحب البصل ممكن نقطع بصلة حلقات وشرائح مقدار ملعقة كبيرة زعتر ودا من عند العطار
الطريقة
اولا طريقة عمل العجينة:
1_ نضع الخميرة مع السكر مع معلقة دقيق وشوية ماء دافئ ونقلبهم وتترك لتخمر 2_ بعدما تخمر نضيف الدقيق في وعاء مع ذرة الملح وقليل من الفلفل الاسود ونضيف رشه قليله من التوابل ونعمل حفره 3_ نضيف البيضة في الحفرة والسمنه البلدى مش مهم تكون سايحة ولا لأ ومن ثم نضيف اللبن 4_ تعجن جيدا وتترك لتخمر 5_ بعدما تخمر تقسم العجينة لقسمين وتفرد كل قسم في صينيه وطبعا ياحبذا لو نضيف في كل صينية قليل من الزيت حتى لاتلتصق العجينة 6_ توضع الحشوة عليها من الاعلى ومن ثم تترك لتخمر قليلا وندخلها بعد ذلك الفرن وقبل دخولها اخرمها بالشوكة جيدا
ثانيا طريقة عمل الحشوة العصاج
1_ تفرم البصلة جيدا وتوضع مع قليل من الزيت وتشوح ومن ثم نضيف اللحم المفروم ويقلب جيدا 2_ نضيف التوابل والملح والفلفل وعصير الطماطم وتترك حتى تنضج مش بتاخد 7 دقائق 3_ نضيف ملعقة السكر مع الخل ونقلبهم جيدا
وبكدا نبقى انتهينا من العصاج
طيب ازاى هنرص الحشوة ع العجينة اولا هنضيف العصاج ونغطى بيه وجه العجينة جيدا ومن ثم هنضيف ع الحواف بتاعة العجينة الطماطم داير مايدور وبعدين حلقات الفلفل الاخضر ونوزع الزيتون ع كافة العجينة ومن ثم نوزع الجبنه الافاشكرى والشيدر ان وجدت ايضا ع كافة العجينة وبعدين هنرش رشه جريئة ع الوش للبصل للى عاوزها ببصل وكمان الجبنه الرومى وفي الختام نرش رشه زعتر ودى مهمه جدا
وطبعا ماتنسوش قبل ماتدخل بالشوكة وهنخرمها وجربوها وان شاء الله هتعجبكم | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء نوفمبر 03, 2009 8:47 am | |
| الكبدة الاسكندرانى
طبعا هتقوللى ايه حتى الكبدة الاسكندرانى هقولكم هى اكله معروفه عند الكل بس كل واحد بيعملها بطريقته وانا حابه اوريكم طريقتى
المقادير
1 كيلو كبدة مقطع صغير ومقشرة 1 راس ثوم مفرومه 5 فلفلات خضر كبار 1 فلفل سبايسي حراق موت ودا سر حلاوة الكبدة بصلة كبيرة ومقطعة شرايح كبيرة للى بيحب البصل 2:3 ملعقة سمنه بلدى وبغير البلدى متبقاش حلوة مش عاوزين فضايح يابنات مع عرسان المستقبل 1/2 ملعقة توابل التوابل اياها وملح وفلفل اسود
مقادير التتبيلة بتاعة الكبدة بصلة صغيرة مفرومة ناعم 6:7 فصوص ثوم مفرومين ناعم ملح فلفل اسود ملعقة توابل خل وليمون
الطريقة
مثلا انهاردا هتعملوا الكبدة يبقى لازم تكونوا متبلينها قبلها بيوم بخلط كل مقادير التتبيلة مع الكبدة وندخلها في كيس ونسيبها في التلاجه
ودى اول خطوة واهم خطوة
تانى خطوة نضيف السمنه في وعاء ع النار ومن ثم نضيف الكبدة المتبله بالتتبيلة بتاعتها ونديها تقلبتين ع النار وبعدين نضيف الثوم والتوابل والملح والفلفل الاسود ونقلبها كويس ولو كانت محتاجه ميه مش اضيف الميه مرة واحدة علشان متبقاش كانها مسلوقه لا نضيف بق بق اول ماتشرب الميه احتاجت تانى نضيف محتاجتش خلاص قرب ماتستوى بحاجة بسيطة نضيف الفلف الحراق والفلفل الاخضر ونسيبها لغاية ماتستوى انا من النوع اللى احب البصل مجروش يعنى مش مستوى فبحطه مع الفلفل لكن لو مش بتحبوه مجروش ضيفوه مع الثوم وممكن تستغنوا عنه
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأربعاء نوفمبر 04, 2009 11:59 am | |
| اكلة النهاردا هى الارز بالخلطة بالخضار وطبعا بالكبدة
المقادير
نصف كيلو ارز بسمتى او ارز عادى ربع كيلو كبدة مقشرة ربع كيلو خضار مشكل مكون من (بسلة وفاصوليا خضراء ) ودى اهم حاجة ولو عاوزين خضار تانى مفيش مشكلة ثوم للكبدة وفلفل للكبدة جزر مبشور زبيب و كاجو لوز بندق وتوابل اهم حاجة فيه التوابل من غيرها مش هينفع ملح وفلفل اسود 2 ملعقة سمن بلدى
اولا هنسلق الخضار نص سلق او اكتر من النص كمان وهنصفيه من الميه بتاعته ثانيا هنعمل الكبدة زى طريقة الكبدة الاسكندرانى بس منغير مانتبلها قبلها بيوم هنجيب الكبدة وهنشوحها في حته سمن وبعدين هنضيف الثوم والفلفل الحار لغاية قبل السوا بشويه واهم حاجة تكون مقطعة صغير خالص وياسلام لو رشه توابل عليها ثالثا هنحمر الزبيب والمكسرات في قليل من السمن ثالثا السمن اللى حمرنا فيها المكسرات هنحمر فيها الارز كويس مع الخضار بتاعنا وهنضيف المكسرات ومقدار الماء طبعا الكل بيسوى الارز وعارف مقدار الميه والجزر المبشور ونسيبه حتى قرب مايتشرب ناخد الكبدة بعد مانشيل منها الفلفل الاخضر ونضيفها ع الرز ونسيب الكل يستوى مع بعضه
ملحوظة : ممكن السمنه تكترى منها تقلقلى براحتك وممكن تخلطى سمنه مع زيت ذرة برضه براحتك ممكن تشيلى كافة المكسرات وتستكفى بالزبيب براحتك ممكن تحطى الزبيب من غير تحمير مع الرز كله دا بيمشي
كمان تانى ملحوظة لو الرز اللى هتستخدميه بسمتى يبقى لازم يتنقع قبل ماتبتدى في العمل بميه دافيه وتاخدى بالك ان اى حاجة بنقول عليها لقرب ماتستوى لا خليها لغاية ماتستوى اما لو كان الرز ابيض المصري يبقى مشي ع الطريقة زى ماهى موجودة عندك
وبالهنا والشفا | |
|
| |
ساندى الادارة
الجنس : المشاركات : 1611 تاريخ التسجيل : 10/07/2009 الاقامة : اسيوط العمل : طالبه جامعيه المزاج : حلوه الحمد لله
| موضوع: رد: مطبخ ريم حسام الخميس نوفمبر 05, 2009 3:07 pm | |
| | |
|
| |
dr mo7amed saeed الادارة
الجنس : المشاركات : 394 تاريخ التسجيل : 15/07/2009 الاقامة : cairo-helmiet elzitoun العمل : طبيب اسنان بمستشفي احمد ماهر التعليمي المزاج : الحمد لله
| موضوع: رد: مطبخ ريم حسام الأحد نوفمبر 08, 2009 11:36 am | |
| تصدقي الواحد عمره ما شاف طريقه عمايل الكبده وانا اول ما جيت اسيوط عملت الكبده ي ما بتقولي غير بس التتبيله اللي قبلها ب 24 ساعه دي | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأحد نوفمبر 08, 2009 12:04 pm | |
| طيب جربها بقى بالتتبيلة اللى قبلها وقولى رايك واكيد لما عملتها اول مره مااضفتش ليها البهارات الخاصة ودى السر ( جنزبيل _ قرفه _ حبهان _ كسبرة _ كركم _ كمون _ فلفل اسود _ جوزة الطيب _ قرنفل ) كل دول تجيب منهم ربع كيلو وتطحنهم مع بعض وتعبيهم في برطمانات زجاج وتستخدم منها في كل اكلك وهتلاقى الاكل طعمه وريحته يجنن
وشكرا لمرورك اخى الفاضل ع مطبخى المتواضع | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأحد نوفمبر 08, 2009 3:56 pm | |
| اكلتنا انهاردا صينية الجلاش باللحمه المفرومه
المقادير لفة جلاش نجيبها من عند السوبر ماركت ونقوله جلاش حادق 1 كوب لبن 2 بيضه عصاج لحمه مفرومه عاوزينه بالطماطم ماشي من غيره برضه ماشي ومننساش نحط عليه التوابل بتاعتنا زيت اوسمن
الطريقة
1_ ندهن صينية بقليل من الزيت 2_ نضع ورق الجلاش ورقه ورقه وبين كل ورقه ندهن بفرشاة الطعام زيت او سمن نضع في حدود 6 ورقات 3_ نفرد العصاج اللى بالحمه ع سادس ورقه 4_ نضع 6 ورقات اخرين بنفس الطريقة الاولى 7_ نضرب البيض مع اللبن ثم نضع هذا الخليط ع الصينيه قبل ادخالها الفرن مباشرة وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأحد نوفمبر 08, 2009 4:02 pm | |
| صينية الرقاق باللحمه طبعا معروف الرقاق البلدى اللى احنا بنعمله في البيت
مقادير الرقاق
2 كوب دقيق ملح ماء ومن غير خميرة
طريقته
تعجن المقادير السابقة وتفرد جيدا بالنشابه وتخبر في الفرن
طريقة عمل الرقاق
هى نفس طريقة عمل جلاش اللحمه ولكن يفضل ان يكون العصاج بالطماطم ويتم تلين الرقاق بشوية شوربه بمعنى انزل الرقاقه في شوية شوربه سوخنه واسيبها ثوانى واطلعها وارصها في الصينية وكذا طبقه وبعدين احط العصاج بتاعى وبعدين باقى الرقاق بس قبل الفرن بقى نضيف حتة سمنه صغنونه ع الوش
ملحوظه افضل شوربه للرقاق هى شوربة البط بس لو مفيش اى شوربه تؤدى الغرض
وخلاص كدا بالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأحد نوفمبر 08, 2009 4:34 pm | |
| الجلاش الحلو
ياجماعة الجلاش دا انا كنت بعمله وانا في سنه خامسه ابتدائي وكنت باخد مادة في السعوديه اسمها الاقتصاد المنزلى طبعا بتتاخد في مصر بس مفيش اهتمام بيها المادة دى كان عليها 100 درجه بحيث باقى المواد كان عليها 50 درجه مش موضوعنا دا
وهوه سهل خالص وممكن الام تدخل بنتها الصغيرة المطبخ وتخليها تعمل معاها
المقادير
لفة جلاش من السوبر ماركت بس يكون حلو سمنه بلدى وفى دى الزيت غير مرغوب فيه مكسرات مختلفة ( فستق لوز جوز هند عين جمل وبندق .....) ماء ورد وفانليا شيرة مخففه
الطريقة
تفرد 6 رقائق من الجلاش وبين كل واحدة والتانية نضيف سمنه بفرشاة الطعام نكسر المكسرات مع بعض ونضيف عليها ملعقة سكر والفانليا وماء الورد ثم نضيفها ع الطرف الامامى للجلاش وبعدين نلف الجلاش زى الاسطوانه ومن الوجه يدهن بالسمن ومن ثم ندخلها الفرن
طريقة عمل الشيرة
1/2 كوب سكر عليه كوب من الماء ويترك ع النار حتى يغلى ومن ثم نضيف نصف ليمونه وفانليا ويترك ليبرد | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الإثنين نوفمبر 09, 2009 9:05 am | |
| صينية الخضار المشكل في الفرن
1 كيلو خضار مشكل اى نوع ويفضل ( الكوسا البسله الفاصولياء القرنبيط والجزر )
1 :2 م ك سمنه بلدى
بصلة كبيرة مفرومة
لحم بلدى
مستكة
توابل ريم حسام اللى قولنا عليها وملح
من 2:3 اكواب عصير طماطم
الطريقة
1_ تصفر البصلة في السمن البلدى 2_ توضع عصير الطماطم ويترك قليلا حتى يسبك 3_ ثم نضع التوابل والملح واللحم والمستكة وتزود بماء وتترك حتى تنضج نصف نضجة 4_ يوضع الخضار مع اللحم ومن ثم يوضع في صينية وياحبذا لو كانت بيركس وندخلها الفرن وتترك حتى ينضج الخضار ممكن ياخد 1/2 ساعه اكتر من كدا ماشي اقل يبقى الخضار بتاعك مش طازج
ومتنسيش العين تأكل قبل الفم وعلشان كدا بقولك حطى خضارك في صينية بيركس وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الإثنين نوفمبر 09, 2009 9:33 am | |
| التورته
وطبعا كتير مننا يتخض اول مايسمع انه هيعمل تورتايه والغالب يقولك ع ايه اعملها وافشل ما اجيب من بره بس ياجماعة اللى تعمليه باديكى بيبقى ليه فرحة كدا غير الجاهز وكل بنات المنتدى لسه بنوتات في بيوت اهليهم عادى جربي في اهلك هتغلطى مره اتنين وبعد كدا هتبقى بيرفكت فيها
شروط نجاح التورته
اهم حاجة تاخدى بالك ان المقادير اللى هقولها دى محتاجة صينية وسط مش كبيره ولو عاوزه اكبر تكترى البيض تانى حاجة المكان اللى هتعملى فيه التورته يكون دافى علشان متهبطش منك ثالت حاجة متفتحيش الفرن الابعد مرور 1/3 ساعة وكمان علشان تتاكدى انها استوت وبعدين تقفلى عليها الفرن لغاية ماتبرد لوحدها
المقادير
6 بيضات كبير كوب ونصف من الدقيق 3/4 كوب سكر 1 م ص خميرة بيكنج باودر 2 كيس فانليا
الطريقة
1_ يضرب السكر مع البيض يمضرب البيض الكهربائي جيدا ثم نضيف الفانليا 2_ ينخل الدقيق ويوضع عليه البيكنج باودر 3_ يضاف الدقيق المنخول على خليط البيض والسكر تدريجيا على ان يقلب برفع المعلقة لاعلى حتى نسمح بدخول الهواء توضع في الصينية المتوسطة وتدخل الفرن ولابد ان تكون الفرن ساخن
التزين
ودى حسب الرغبه بس برضه هقول على طريقتى
نجيب الشكولاته الخام ونعملها حمام مائي ونجيب كريمه دريم ويب ونضربها بمضرب البيض مع ربع كوب ماء مثلج ونعمل منها كميه وممكن نلونها عن طريق الكاكاو او اى الوان طبيعيه
بجيب التورته وقطعها بالعرض نصفين يعنى هيكون عندى طبقتين وممكن 3 طبقات بس لو اول مره تعميليها خليها طبقتين نجيب الكومبوت سلطة فاكهة معلبة ومربي
نضيف على اول طبقه اللى هتبقى الطبقة السفليه ماء الكمبوت ودا بيبقى عن طريق معلقة وبعدين نضيف طبقة خفيفة قوى من المربى وبعدين نضيف الكريمه ودى كترى منها ع قد ماتقدري وبعدين هنجيب الطبقة اللى فوقها من التورته وبعدين هنغطيها بطبقة من الشكولاته وكمان مننساش الجوانب ودى بتبقى بالسكين وبعدين بكيس الحلوانى اضيف ع طبقة الشكولاته وردات من الكريمة وممكن اكتب عليها لو عيد ميلاد مثلا وبعدين نضيف برضه الكريمه ع الجوانب باى شكل ونجيب الفستق ونرشه ع الجوانب فوق الكريمه اما الكمبوت نفسه نضيفه ع الوردات اللى عملناها زى الكريز والاناناس
ويفضل اعداد التورته قبل معاد اكلها ب 24 ساعه علشان تكون لحقت تحلى من ميه الكمبوت والمربى
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء نوفمبر 10, 2009 5:47 pm | |
| بسكويت خفيف وسهل
المقادير
200 جرام زبدة 4 بياض بيض كوب الا ملعقتين من الدقيق والملعقتين من الكاكاو كوب من السكر البودرة
الطريقة
1_ نخفق الزبدة مع السكر بمضرب البيض الكهربائى 2_ نضيف بياض البيض الى الخليط السابق تدريجيا 3_ يتم نخل الدقيق مع الكاكاو ويضاف تدريجيا الى الخليط 4_ يتم تقطيع البسكويت بكيس حلوانى وهناك طريقة اخرى 5_ نحضر ورق استنسل ( بلاستيك ) من المكتبات ونرسم عليه اى رسم نريده وليكن ميكى او بطوط او ورق شجر ومن ثم نفرغ الرسمة بالمشرط نضع ورقه الاستنسل ع صينية الخبز ونمسك الورقة جيدا وبسكين الحلوانى نضيف الخليط (البسكويت) ع الشكل المفرغ ومن ثم نرفع الورقه ولكن واحدة واحدة لانه لو رفعت مره واحدة سيشوه الشكل
وهكذا ومن ثم يتم خبزها ولابد من متابعة الفرن بعد مرور 5 دقائق
شكل البسكويت : ارتفاعة بسيط جدا يكاد لايذكر كما انه لابد وان يكون شبه لين وليس يابس
وبالهنا والشفا والطريقة دى انا اتعلمتها من قناة فتافيت | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الثلاثاء نوفمبر 10, 2009 5:58 pm | |
| البسبوسة
المقادير
1/2 كيلو سميد بسبوسة علبه ونصف من الربادى البلدى ولو هتخلوها جهينه ونسله وغيرها يبقى 3 علب زبادى كوب ونصف الكوب من السكر اكيس فانليا 1 ملعقة ونص بيكنج باودر 3 ملاعق كبار سمنه بلدى ودى بجد مافيش تهاون فيها مش عاوزين فضايح يابنات 1/2 كوب جوز هند
الطريقة
1_ نضيف كل المكونات السابقة ع بعضها وتعجن جيدا وان احتاجت لسائل يفضل اللبن 2_ تسكب العجينه في الصينية وتسوى جيدا باليد 3_ يمكن تحديدها ع شكل معينات اى خطوط بالطول والعرض مستخدمين السكين 4_ يتم اضافة اللوز ع كل معين 5_ ندخلها الفرن
وبالهنا والشفا
ممكن نشيل 1/2 كوب من السميد ونعوض بداله كوب من اللوز المطحون هتبقى نتيجتها تجنن وياحبذا لو نعجن البسبوسة بحليب مكثف وناخد بالنا لو كان حلو نشيل من السكر مقدار معلقتين
وجربوها وان شاء الله تعجبكم
عدل سابقا من قبل ريم حسام في الخميس نوفمبر 12, 2009 4:52 pm عدل 1 مرات | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الأربعاء نوفمبر 11, 2009 9:04 am | |
| الكحك الناعم
يجماعة الكوب يعادل 200جرام
(ياجماعة ودى اتعلمتها من الشيق حسن لما كان ع قناة الاسرة والطفل وجربتها وطلعت حاجة العيد تحفة تحفة )
المقادير
1 كيلو دقيق معجنات 500جرتم سمنه بلدى باردة (2كوب) 200جرام لبن حليب 40 جرام سكر 40 جرام دقيق سومولينا ( السميد الخاص بالبسبوسه) 10 جرام ريحة كحك 1 باكو بيكنج باودر او ملعقة خميرة بيره
الطريقة
1_ توضع المقادير الجافه مع بعضها وتخلط جيدا وينزل عليها باللبن السائل ومن ثم السمنه الباردة
2_ اذا احتاجت لقليل من الماء نضيف عليها
3_ تترك 1/2 ساعة لتهدأ العجينة ومن ثم تقطع وتوضع في صوانى الخبز وتخبز في الفرن
4_ بعدما تخرج وتبرد نرش عليها سكر بودرة
ملحوظة
نتحكم في مدى نعومة الكحك عن طريق نكثر من السمن ونخفف من الماء اما لو مش عاوزينه ناعم قوى يبقى نكثر شويه من الماء ونخفف من السمنه بس مش لدرجة كوب كامل ع الكيلو لا علشان يطلع حلو
ولزيادة جماله نفرش ورق من الدانتيل ع علاقة الكحك ويرص عليها الكحك
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الخميس نوفمبر 12, 2009 5:07 pm | |
| المعمول بالعجوة الكوب ب200 جرام
المقادير
250جم دقيق سوميلينا ( سميد) ناعمه و50 جم سومولينا خشنه 400جرام سمنه باردة 100 جرام سكر 150 جرام ماء بارد 1 ملعقة ماء ورد 25 جم محلب بودرة 15 جم خميرة وتوضع في 25جرام ماء دافئ قبل وضعها ع العجينه ب10 دقائق
الطريقة
1_ يوضع دقيق السوميلينا الناعم والخشن والسكر والسمن مع بعض ونفركهم باليد جيدا ومن ثم نتركهم 10 ساعات ايوه عشر ساعات 2_ وبعد العشر ساعات نضع الخميره على الماء الدافئ زى ماهو موضح في المقادير 3_ نعجن العجينه جيدا مرة اخرى ومن ثم نضيف الخميرة وباقي المكونات ونعجنهم جيدا 4_ تترك 1/2 ساعة لتستريح واحنا بنعجن ممكن نديها حاجة بسيطة من الدقيق زى كدا معلقة او 2 5_ لعد ماتستريح تشكل العجينه وتحشى بالعجوة او الفستق وبعدين تترك لتستريح تانى ومن ثم تخبز
وبالهنا والشفا | |
|
| |
ريم حسام المراقبة العامة
الجنس : المشاركات : 1896 تاريخ التسجيل : 03/07/2009
| موضوع: رد: مطبخ ريم حسام الخميس نوفمبر 12, 2009 5:22 pm | |
| المنين بالعجوة
1 كيلو دقيق 400 جرام سمنه 5 جرام خميره 5 جرام ملح 50 جرام سكر شمر وينسون حسب الرغبة الماء كوبوان احتاج تانى مفيش مشكله نديله
الطريقة
توضع المكونات مع بعضها وتعجن جيدا وتترك لترتاح
ومن ثم تقطع وتحشى بالعجوة وتخبز
وصدقونى طعمه بيبقى حلو جدا
وبالهنا والشفا | |
|
| |
ساندى الادارة
الجنس : المشاركات : 1611 تاريخ التسجيل : 10/07/2009 الاقامة : اسيوط العمل : طالبه جامعيه المزاج : حلوه الحمد لله
| موضوع: رد: مطبخ ريم حسام الجمعة نوفمبر 13, 2009 6:57 am | |
| شكرا لوصفاتك الرائعه اختى ريم | |
|
| |
| مطبخ ريم حسام | |
|