لازم يكون عندنا مرونه فى اللبس بمعنى لولقيت بدى كت وانا محجبة مش معنى كدا انه مش مناسب ليا لا طبعا ممكن اوظفه واخليه مناسب للحجاب بتاعى ومش معنى كدا كل اللبس يليق على كل الاشخاص لا طبعا ولا كل بنت رفيعة تقدر تلبس زى بنت رفيعة غيرها ولا كل بنت مليانه شويه تقدر تلبس نفس لبس البنت المليانه التانيه مثلا لان دا يعتمد على شكل الجسم في واحدة عريضة المنكبين ونصها التحتانى رفيع وفى العكس اللى جسمها الفوقانى صغير والجزء التحتانى صغير فدى ليها لبس ودى ليها لبس اهم حاجة في اللبس انى اراعى انه يدارى اى عيب فيه مثلا البنت اللى عندها بطن مثلا تلبس حاجه بأمبير مثلا واللى عندها جناب عريضة ومعندهاش بطن مليانه تلبس حاجة مكشكشة من ناحية البطن وبالمائل علشان يدارى عرض الجناب وهكذا وتانى حاجة المفروض نراعيها لون البشرة لازم الالوان اللى نلبسها تكون مناسبة للون البشرة اما البنت المحجبة تلبس اى لون مدام لايق على حجم الجسم بس تلعب في لون الطرحة وتخليه لايق على لون البشرة بتاعتها وكل الالوان ممكن اى حد يلبسها بس المهم الدرجة بتاعة اللون تكون لايقه مع البشرة بمعنى كل البنات ممكن تلبس اللون الاحمر لكن درجة الاحمر بتاعة البنت البيضاء تختلف عن البنت الخمرية تختلف عن البنت السمراء وهكذا ملحوظة هامة بالنسبة للسوارية انصح بلبس ملك السهرة وهوه اللون الاسود وان مفيش عندك اسود ادخلى على الالوان الساخنة زى الاحمر الفوشيا الروز واخر حاجة تفكرى فيها الالوان البارة في السهرة مع مراعاة خطوط الموضة يعنى السنه دى الموضة اللون الاخضر ممكن البس حاجة لونها اخضر وسواريه وادخل معاها الوان سخنة متنسيش اهم حاجة تحدد جمال البنت او حواء عموما الحذاء اللى لابساه في رجلها ولازم اراعى حاجة لو لابسة كاجوال الحذاء لاوم يكون كاجوال ولو لابسه كلاسيك الحذاء لازم يكون كلاسيك وياحبذا يكون بكعب ومش اى كعب راعى ان الكعب بيزود من اناقتك جدا ولو قعدت اتكلم على اللبس وايه المفروض وايه اللى مش مفروض مش هخلص اهم حاجة قبل ما اختم ان البنت البيضاء بتليق على وشها الحجاب الغامق جدا اما البنت السمراء يليق عليها الالوان الفاتحه جدا وبلاش البنت السمرا تلبس حجاب اسود لانه بيكتم على وشها ويخليه غامق لان في كتير يقولك الالوان الغامقة على السمر تبين انها فاتحة ودى معلومة غلط جدا اهم حاجة بعد ماتلبسي وتتشيكى تراعى حاجة مهمة طريقة مشيتك وتمشي وانتى متأكدة ان القدمين مضمومين جنب بعض طريقة الاقعدة رجليكى مضمومة جنب بعضها وممكن تحطى قدم على التانية من الخلف من ناحية الكعب بتاع الرجل علشان متنسيش نفسك وانتى قعدة ظهرك يبقى مفرود ابتسامة خفيفة وادعيلى
معلش طولت عليكم واتمنى انى اكون افدتكم وتقبلوا مرورى ومستنية رودودكم
الجمعة مايو 17, 2013 12:11 pm من طرف دكتور محمد حلمي
