يلا نتاجر مع الله

ايه رايكوا نتاجر ونعمل بيزنس
بس الرة دي المتاجرة مع ربنا
لان احنا في الموسم
والمكاسب علي اخرها
والتجار الشاطرين بيكبروا ارصدتهم في بنوك الحسنات
انا نفسي كل واحد فينا عنده فكرة عن مشروع رمضاني ناجح
يكتبهولنا ونحاول نلحق اي حاجة قبل السوق ما يخلص

انا هبدأ مشروعي اسمه
يلا نصوم شهرين رمضان
هتقولي ازاي
اقولك فطر صايم
هتقولي مش معايا منين ده انا غلبان
هقولك بص ياسيدي
الشباب عندهم موائد الرحمن روح ساعد فيها قاعد في البيت بتعمل ايه واوعي تتكسف
او الشباب والبنات يجمعوا زمايلهم ويشتروا اكياس صغيرة وعلبة تمر
وحط في كل كيس 3 تمرات
واشتري من المكتبات الاسلامية ورق صغير بيبقي فيه قيم جميلة
او اكتب شوية قيم علي جهازك وروح اطبعا بعدد الاكياس وبعد كده دبس القيمة في الكيس
تبقي بتفطر صايم وبتدعوا الي الله
والله تكلفتها بسيطة
ايه رايكوا بقي
متنسوش تدعولي
وتطرحوا مشاريعكم
ومتنسوش دي تجارة مع مييييييييييين؟؟؟؟؟

فكره جميله
وما اجملها من تجاره
بس المشروع اللي قلت عليه انا الصراحه معرفش انفذه ازاي
يعني بعد ما اعمل الحاجات والبلح وكده
انا مش هاعرف اوزعه
انا مش باختلط بحد في نهار رمضان مش باقابل الناس غير في صلاة التراويح
يعني لو اديتهم البلح وكده مش هيفطروا بيه

انا دلوقتي مفيش في دماغي مشروع محدد
بس هافكر شويه واجي اكتب ان شاء الله
جزاكم الله خيرا على الموضوع الرائع

بصي يادكتورة لوكا
لو ممكن تصلي المغرب في المسجد
هتقدري توزعيه علي المصلين
انتي يوم وواحدزميلتك يوم تاني وهكذا

طيب لو مش ممكن يبقي تبعتي التمراللي جهزتيه مع اخوكي مثلا لاقرب مائدة رحمان
طيب لو مش ممكن تقدري تفطري اهل بيتك وتاخدي الثواب

فكره حلوه موضوع اني ابعته مع اخويا
بس يارب يطاوعني ويوافق
وموضوع افطار اهل البيت
فده انا بعمله من زمان
باتكفل بموضوع البلح عشان افطرهم اول واحده

مستني منك مشروع يادكتورة

فكره جميله جدا وانا الحمد لله بنفذ جزء منها مع اصحابى

صراحه انا عندى فكره بس مش عارفه هل ممكن تعجبكم ولا لاء

ما احنا ممكن نروح الجمعيات الخيريه ونقرأ القران مع الاطفال بحيث نعلمهم وكمان ممكن نعلمهم تعاليم دينهم بطريقه سلسه وسهله
يعنى مثلا عن طريق القصص وكدا
صراحه انا جربت الموضوع دا وكان فيه متعه جميله جدا

انك تحسس الاطفال بكل حاجه وتقربهم منك

كمان ما ممكن مثلا ابسط مثال فى ناس كتييييييييييير فقراء ومحتاجين

مش هاتخسروا حاجه لو لقيتوا ملابس عندكم
وعند قرايبكم واصحابكم وتوزعوها عليهم
فى كتير هيقول طيب واحنا نعرف الفقراء دول منين ممكن يكونوا فى الشارع الى انتوا فيه
او بلاش احسن حاجه ودوها جمعيات خيريه وشوفوا قد ايه هاتكسبوا دعوات منهم وكفايه انك هاتاخد اجر وثواب من عند ربنا

صراحه دا الى اعرفه وياريت مشروعى يعجبكم

جزاكي الله كل خير
هي دي الافكار ولا بلاش
عايزين تاني
والاهم نطبق